15 March 2015

وبيت يفوح المسك في حجراته بعيد من الأفات غير مروق !


بسم الله الرحمن الرحيم








صباح / مساء المسكك  ..

من منا مايحب الريحة الحلووة والجميلة وخصوصا اذا جمعت بين النظافة والفخامة استغرب لمن اذكر المسك او دهن العود
الي حولي ينصدمون ؟؟
رابطين ان محد يستخدم هالاشياء الا الجدات !! مزاجي بالعطور متنوع مايهمني قديم او جديد الاهم الريحة الحلوة  و طبيعتي أحب احط عطر ومعه المسك او دهن العود بعض الاحيان اعرف ذوق الي قدامي من ريحتها :) 
اليوم حبيت اذكر لكم في هالبوست عن مجموعة المسك الي اعشقها وآحبها وماآستغني عنها .




هذي مجموعتي من عبدالصمد القرشي تقريبا نص تولة من كل نوع سعرها ٢٥٠ ريال 
أول نوع من اليمين مسك العروس ريحته مرة خفيفه وثقيل حيييل ملمسة ، واتوقع كل عروس يكون في لستت العطور جربته اخذ كم نقطة واحط في آيدي ثم كريم الجسم واخلطهم وادهن الجسم به مررررة حلو 
ثاني نوع في الوسط مسك الختام هذا عششششق آقرب مسك لي آحبه بكل وقت ريحته انتعاش ممزوج بين الروائح الفرنسيه والشرقية الي يعرفني بيعرف هالمسك مرتبط فيني أحيان اكون طفشانه او متملله مجرد آشمه يتعدل مزاجي وآروق
ثالث نوع في الأخير ارزة لبنان هذا مرتبط في صديقة عمري أحبه لانه مميز ريحته فيها ولمن استخدمه مايجي مثل ريحتها :) سبحان الله كل شخص تختلف ريحة العطر فيه عن شخص ثاني  و مااحس اني تحممت الا اذا حطيت منه ريحته نظافة مثل صابون إريال لووووووووول قوية ريحته وصارخة 



مسك الطهارة
من عبدالصمد القرشي ربع تولة 250 - 300 
كلنا عارفين وصانا الرسول صل الله عليه وسلم للصحابية حديث عائشة إن امرأة سألت النبي صلى الله عليه وسلم عن غسلها من المحيض ، فأمرها كيف تغتسل ،
قال : ( خذي فرصة من مسك فتطهري بها )،قاالت: كيف أتطهر بها ؟ قال: (( تطهري بها ))،  قالت : كيف؟
قال : ( سبحان الله ! تطهري بها ) فجتبذتها إلي ، فقلت تتبعي بها أثر الدم.
(أخرجه البخاري )


ومن فوائده :
 _ يذهب الأفرازات المهبليه والفطريات 
 _ يمنع من سرطان الرحم باذن لله 
 _ يذهب الحكه والحساسيه
 - يساعد على الأنجاب وتثبيت الحمل

طريقتي : بعد الدورة الشهريه يستخدم للمنطقة الحساسه نتبع مجرى الدم بالقليل منه بعد تخفيفه بالماء . 




مسك شفاف من جنيد
سائل دهني وشفاف مناسب للنساء والاطفال آمن مافيه كحول ريحته قوووية وثابته احبه في المناسبات مع البخور او العود
يطلع خياااااال
غيروا الشكل بعلبة آكبر وسعرها ٦٠ ريال في مسك شفاف بالورد وفيه عادي الي استخدم عادي
سعره ٣٠ ريال






عطر مسك النخبة
عطر برئحة المسك الهادئه والريحة مميزة مرررة بفواحانها ودوامهااا مدة طويلة 
شريته من سوق واقف في قطر من 3 سنوات حطيت منه وماتوقعت ريحته جميلة ورجعت له اليوم الثاني وخميت الموجود عنده :) 
أحب استخدمه في البيت ريحته منعشة وحتى للصغار جميل استخدمه لبناتي 
سعره 40 ريال







نشوفكم على خير 

6 comments:

  1. أحب ريفيواتك بسيطه ومختصرة وجميلة :)

    حبيت مسك النخبه ان شاء الله بأقرب فرصه راح اجربه

    ReplyDelete
  2. لوسمحت ممكن اعرف اسم الشركة مالت مسك النخبه

    ReplyDelete
    Replies
    1. معليش تاخرت عليك بالرد
      اسمها أرض الزعفران للتجارة

      Delete
  3. أنا وحدة أعشق رائحة العودة
    وبخور العودة كمان
    والمسك بالنسبة لي يعني ريحة نظااااافة وانتعاش
    حجرب ان شاء الله مسك الختام وأرزة لبنان

    ReplyDelete
    Replies
    1. عشششق من جد
      جربيها ماتتفوووت
      يسعدك ربي

      Delete
  4. مسك عبدالصمد الأبيض ماعجبني ، ريحته أول ما احطه بس ، بعدين يختفي ..
    مسك الطهارة مره جميل ..❤

    ReplyDelete