مكياجي اليومي || My everyday makeup routine

السلام عليكم ،

بتدوينتي هذي حبيت أتكلم عن الميك آب الصباحي ، وآن شاء الله تستفيد منه كل بنوته  

أول شي حابه أقول اني مو خبيره معلوماتي بسيطه على قدي ،  حبيت اشاركم نفيد ونستفيد من بعض أعتبرها هوايه وعشق  

والمفروض من كل بنت تتعلم وتفيد نفسها ومع الوقت تتطور وتبدع 

ومازلت اطور نفسي واتعلم بعض الاساسيات ، و بالنسبه لي مرجع لخواتي والوالدة 

هذا الميك آب معتمدته  لي فتره ! لكن كل فترة اجرب واشوف الي يناسبني من فاونديشن او ماسكرا والارواج والبلشر كذلك اغير فيها

هالمكياج صباحي احطه لو بطلع اي مشوار الصباح ، 

المهم !

ابدا اول شئ اغسل وجهي بغسولي اللطيف ، ثم احط السيروم من the Body shop 

السيروم مره جميل ملمسه مخملي على البشره ويعتبر محسن للبشره الباهته وغني بفيتامين C

ننتظر البشره تتشربه .

ثم أحط كريم الهالات السوداء من LEVIAN يعتبر مرطب وومحسن للهالات السوداء وفيه وقايه من الشمس بنسبه 15

وننتظر شويتين ونبدآ .

واحط CC من CLINQUE استخدم فرشاة سيجما F80 مره ناسبني وحبيته آكثر من ماكس فاكتور ، ولاسبب حبوب في البشره او تحسس ، وفيه درجات مختلفه

اخذت درجة MEDIUM

ناسب بشرتي (المختلطه+الجافة) يعتبر مرطب ومايجفف البشره ابدا ، وفيه نسبه وقايه 30 تغطيه جميلة طبيعيه وخفيفه

ويوحد البشره وآحلى شي مايزيت بالبشرة ، والي بشرتها فيها حبوب مو مستفيدة منه لان تغطيته خفيفه .

وبرجع اشتريه ناسب بشرتي وخفيف عليها وسعره معقول 150 ريال .

ثم  احط كونسيلر Kiko soft focus ، أخذت رقم 01 سهل الاستخدام مثل القلم ضغطه خفيفه من تحت تكفي لهالات العين

الوحده وطبطبه بسيطه بالاصبع ، تغطيته مناسبه للصباح وخفيفه مايتكتل او يخطط .

هل بشتريه مره ثانيه ؟ اتوقع لا ، أحب اغير واجدد لكن يظل جميييييييل وسعره  آجمل 40 ريال .

وبعدها احط شادو من Kiko INFINTY 220 ، بفرشاة ريل تكنيك ، لونه بينك على لحمي وفيه لمعه خفيفه

اللون مره حلو على العين ، ومناسب لفترة الصباح .

ثم كحل Chanel Stylo Yeux Waterproof ، رقم 60 , ارسم خط مره خفيف على منابت الرموش ، اللون زيتي على بني 

هذا سواتش من النت .

بعدها ارسم حواجبي بودرة  THE BODY SHOP, جمييييييييله ولا اقدر استغني عنها

جربت انواع ماحصلت اقرب لها سهوله وثبات ، وارتب الحاجب بماسكرا BENEFIT .

واحط ماسكرا yves saint laurent , من مجموعة بيبي دول ، خفيفه وتعطي حجم طبيعي لرموش ، احط طبقه ثم طبقه

ثانيه .

وآخر شي البلشر والروج ، هنا استخدمت روج Max faktor ,  رقمه 745 Burnt Caramel

جميل وقرب يخلص ونشوف بديل ، والبلشر من Nyx Mocha Blush 

مناسب للصباح والروتين اليومي وسعره معقول .

^

وخلصنا الميك آب مرررره خفيف وسريع مايأخذ ١٠ دقايق ، وأن شاء الله استفدتوا منه .