My Hair Routine ..

السلام عليكم ورحمة الله وبركاته 

يسعد صباحكم / مسائكم بـ الخيرررر 

تدوينة اليوم بتكلم عن عنايتي وروتيني لشعري قبل الصبغه :( 

نوعية شعري بني شكولاته  ناعم وجاف الاطراف ودهني الفروه وقليل مو متقصف ولله الحمد لكن يتساقط بشكل طبيعي 

هالروتين ماشيه عليه ومناسبني مره وبالعاده اغير في الماسكات الاسبوعيه 

نبدأ آول شي : 

هذا الشامبو والبلسم مخصوص لشعر المصبوغ ، سالفته اول ماجيت هنت خلص الشامبو الي كنت استخدمه وكنت محتاجه شامبو ظروي معزومه ولافيني انتظر رجوع زوجي من الدوام نزلت لسوبر ماركت وحصلت هذا واخذته وجربته ناسبني وناسب شعري ومن بعدها وقعت بغرامه مااحتجت اغيره لي سنه ونص استخدمه وقت مااكون بستشور شعري عندي مناسبه . 

 شعري اغسله بشامبو جونسون يوم ايه و يوم لا لان مايتحمل يزيت لان فروة الشعر دهنيه ، يصدع راسي من الزيوت ففضلت هذا اخف وافضل لشعر .

زيت الارقان غني عن التعريف جاني هدية من المغرب  معصور على ايادي ثقة وباللتر ينباع وزعته بهالقاروره القزاز افضل من البلاستيك ومن جد هدية ولا آحلى ويستاهل الضجه و انصح الكل يجربون زيت الارقان 
طريقتي ازيت شعري ساعه فيه مرة بالاسبوع يوم الجمعه مخصصته ، لكن يمسكني صداع وقللت المده لنص ساعه ، ولمن اتحمم احط باايدي شي بسيط وادهن الاطراف تغير شعري ولله الحمد طلعت لمعه وحيويه وعطاه وزن .

هذي الحبوب اول ماجيت تغير علي الجو والاكل وبدآ شعري من قدام يخف وكتبتها لي الدكتورة مكمل غذائي ، ونصيحتها
آكلها 3 شهور واوقفها شهر وارجع استخدمها مفيدة للشعر والجسم والاظافر والجلد .
استخدمها مرتين باليوم .

والانبولات مررررره جميله عبارة عن فيتامينات ، كورس كامل لتساقط الشعر وتثقيله وتطويله ، فيه 12 انبوله يستخدم مرتين 
بالاسبوع ، عطتني نتيجه حلوة خف التساقط ولمعة وحيويه 
سعرها بحدود 50 يورو .

شامبو منشط ومهدئ للبشرة (لفروة الرأس الحساسة والشعر بين العادي والمختلط)

استخدمه بعد المناسبات و آكثر شي بفصل الربيع لان بشرتي تحسس بهالوقت

سعره ١٩يورو 

معلومات عنه :

عامل منظف متطور لفروة الرأس الحساسة أو المتوترة.

يحتوي على مركب مرطب مقاوم للتوتر.

إضافة إلى تقنية الألفا هيدروكسي الغنية بفيتامين B3.

يسكن ويرطب الشعر وينظفه بطريقة مذهلة

يضفي على الشعر نعومة ومرونة وتجدداً.

مناسب لفروة الرأس الحساسة والشعر بين العادي والمختلط 

وأن شاء الله تستفيدوا ي رب 

بحفظ الله