كيف تحصلين على مظهر طبيعي ومضىء لعينين واسعتين

بسم الله الرحمن الرحيم 

اسعد الله جميع أوقاتكم جميلاتي ومتابعات مدونتي 
قبل ما اتكلم عن موضوع تدوينتي لليوم وأبدأ بالريفيوز حابه اتكلم
 على طريقه لها انتشار واسع بين البنات وهي طريقة توسيع العين باستخدام الكحل الابيض او البيج  (nude ) 

زي ما تشوفون بهالصوره وكثير غيرها ، الطريقه حلوه وفعلاًًً تكبر العين بس هالطريقة ما تنفع لجميع اشكال العيون

احيانا بالعكس يعني بعض العيون الكحل الغامق يكبرها ويحليها اكثر من الفاتح غير العيون الكبيره 

من الاساس ماتحتاج انك تعطينها إيحاء انها كبيره!! 
والشي الثاني واللي لاحظته  على كثير من البنات هو عدم اختيار الدرجه المناسبه للبشره !!
يعني كل ما كان الكحل ابيض كل ما ناسب البشره الفاتحه والعكس صحيح 
يعني ماينفع تكون بشرتك حنطيه او قمحيه وتستخدمين كحل ابيض 
وهذا مثال جميل على كلامي .. 

بالنسبة لتجربتي كانت تشمل اكثر من منتج وبعضها ماشفت

احد جربها ولا تكلم عنها 

Sephora long lasting kohl pencil - shade: 07 infinite beige - 

جميل لونه البيج الطبيعي ، يناسب جميع الوان البشرة ، مره كريمي
 خفيف على العين ، مايسبب احمرار او حساسية للعين 

لونه واضح جدا مايحتاج تعيدين عليه آكثر من مرة

ومايدوم وقت طويل من 2-3 ساعات

وسعره معقول

يعتبر نسخة كحل ريميل 

السعر :13 €

Nars larger than life eyeliner rue bonaparte

لونه وشكله طباشيري ، كريمي سهل الاستخدام
وثابت يدوم لـ 12 ساعه
مايطلخ او يتكتيل وضد الماء 

من تحت القلم تبرمينه ويطلع لك آكثر ويوجد في برايه 

السعر: 17  €

Chanel le Crayon Khol in 69 Clair

لونه مشمشي طبيعي ، قوامه كريمي ،جمييييل حيل ، سريع
وسلسل الاستخدام ، مايسبب حساسية او احمرار للعين ، لونه
واضح وثابت  

يدوم الي 5-6 ساعات

ضد الماء 

تجي معه برايه 

السعر : 29€

Dolce & Gabbana

The Eyeliner Crayon Intense

لونه جمييل نيود علـي وردي فاتح ، اللي استغربته ان محد مدحه
او جربه جمييييل ، خفيف
 ولطيف على العين
اعشقه وقت الصباح يخلي العين مشرقة وفيها جمال 
الي يشوفك يتوقع عيونك طبيعيه 

السعر : 20€

.

.