6 March 2018

Day in the live🎵 #تحدي_النافذة

بسم الله الرحمن الرحيم 


🎵🎈

.

يسعد ايامكم بالخير مع الاجواء والامطار ويارب سقيا خير لنا
في يوم ممطر جميل قررنا نطلع للمخيم
وبدأت التجهيزات والترتيبات من الليل، وكان الاتفاق الانطلاق الساعه
7صباحاً ، ضبطت المنبه على الساعه 5:30 ⏰ ونمت 😴




نصحى للصلاة و نتجهز 
استيقظت الساعه 5:30 بحماس صليت الفجر وبديت اللبس بناتي 
واجهز نفسي وانطلقنا ✈ 





وصلنا الحمدلله المخيم يبعد عن الرياض تقريباً 80 كيلو ، ريحنا شوي وبدينا نرتب الاغراض




هنا الشيف misk85 تجهز المقلقل ولازم اوثق ابداعي  بصوره احترافيه 😍💘

طريقة مقلقل اللحم :
- نقطع اللحم صغار ثم نضع زيت في التاوه ( المقلاه) ونضيف قطع اللحم نتركها على النار 2/1  ساعه تقريبا 
مع التحريك المستمر لها 
- ثم نضيف شرائح البصل والفلفل الاخضر والاحمر الحار ونقلبها حتى تبدا بالنضج ونضيف الملح والفلفل الاسود
   ـ ويقدم مع الخبز وبالعافيه .




افطرنا ولله الحمد و قررنا نروح نلعب مع  ( الخواريف ) متعه وربي 
ملاحقتهم 😂😍 اموت عليهم اذا الصغار تنطط
تلاحق امهم ( صورت فيديو بس للاسف ماينفع للنشر )







والساعه 3 جهز الغداء مالنا غناة عن الكبسه السعودية 💘
خصوصا في البر والاجواء الجميلة

احس طعمها غير ومختلف 💆😍







ارحبو وتقهو معنا ☕🍫



سمراءٌ أربكت قلبي وقلبي لها إستجاب 🎵












والساعه تقريباًبدات طقوس القهوة والرواق واترك الصور لكم تتآملونها .


هذا بوكس القهوة التركي لزوم آخر الليل نروق 
المزاج بعد ماينامون الصغار




الساعه 7 بدا البرد ولابد من شبة الضو و نشرب زنجبيل علشان يدفينا ونلعب بالكيرم 
للاسف مالتقطت صور للالعاب المسليه 🎵🎲 
( لعبة جينقا Jenga - الكيرم - لعبة سكونز SEQUENCE - لعبة مونوبولي MONOPOLY )




يا قهوتِي المُره غني لي لو مرّه 



وياماحلا عقب المطر  شبّة الضو
وفنجال كيفً ينعش اللي يسوي







وعما الهدوء بعد نوم احباب الله وقررت اجهز لهم القهوة 
التركيه على صوت محمد عبده 🎻🎵 يقول :

 لاهي نار ولاهي ما 
ولاهي غيمة ولاسما 
ان حكت .. غنت سنابل من رضا 
والسكوت .. إن صار نيران الغضا 
يارضاها ..وقف وناظر شوي 
شف غلاها .. كيف سوى بشخص حي 
وكيف حي ولا لقاها وان لقاها 
. ما بقى في يدينه شي غير انه يحتريها 


.


الساعه 12  صباحاً انتهى اليوم و كان يوم جميل وغير مخطط له 
اني اصور للمدونة لكن حبيته وحبيت تشاركوني يومي وبساطته 🌸






4 comments:

  1. ماشاءالله صورك تجيب السعاده . . حبيبتي الله يديم عليك هذي الاجواء الحلوه 💓 ✨

    ReplyDelete
  2. وقعت في الغرام انا😍😍
    ماشالله تبارك الله انجاز وحماس وماعه الله لا يغير عليك
    تدوينة لطيفة شكرا مره وحبيت توثيق الصور😍❤️❤️❤️

    ReplyDelete
  3. حبيت الجو الله يهنيكم ويسعدكم ويديم جمعتكم

    ReplyDelete
  4. يازينك ويازين يومك ماشاءالله جمييل وجمال الصور يفتح النفس الله يجعل ايامكم كلها جمال وسعادة 😻❤️❤️

    ReplyDelete